Mae’r digwyddiad yn rhan o ymgyrch genedlaethol i gael cymaint o erddi ar agor ledled y DU i bobl eu mwynhau ond hefyd i godi arian ar gyfer elusennau buddiolwyr y cynllun. Does fawr o amheuaeth bod gardd Nantclwyd yn un o’r goreuon yn ardal Rhuthun, gydag amrywiaeth o flodau a phlanhigion gwahanol i’w gweld yn ogystal â Gardd yr Arglwydd gyda’i wal gefn newydd ei hatgyweirio gyda golygfeydd gwych o waliau canoloesol Castell Rhuthun. Cyfle i ymlacio!